ТТК Банка потписник на WE Finance Code

ТТК Банка АД Скопје е потписник на WE Finance Code – глобална иницијатива насочена кон унапредување на пристапот до финансии за микро, мали и средни претпријатија во сопственост и управување на жени.

Приклучувањето кон Кодексот претставува дел од стратешката определба на Банката за поддршка на женското претприемништво, економската инклузија и одржливиот развој.

Што претставува WE Finance Code?

WE Finance Code е меѓународна иницијатива која има за цел:

• намалување на финансискиот јаз помеѓу мажи и жени претприемачи;
• подобрување на пристапот до финансиски производи и услуги;
• подобрување на достапноста и квалитетот на родово-дезагрегирани податоци;
• поттикнување институционална посветеност кон родова еднаквост во финансискиот сектор.

Обврски на Банката како потписник

Како потписник на WE Finance Code, ТТК Банка се обврзува да:

• работи на развој и унапредување на финансиски производи и услуги прилагодени на потребите на жени претприемачи;
• ја подобрува интерната евиденција и анализа на податоци поврзани со финансирање на бизниси во сопственост на жени;
• соработува со релевантни институции и партнери во насока на јакнење на женското претприемништво;
• известува за напредокот во спроведувањето на принципите на Кодексот.

Нашата определба

ТТК Банка останува посветена на создавање еднакви можности за развој на претприемништвото и обезбедување одговорни финансиски решенија кои придонесуваат кон економски раст и одржлив развој.


Писмо за приклучување кон Кодексот за финансирање на жени предприемачи