Од 23 до 25 ноември годинава ќе се одржи шестото издание на Деновите на финансиската писменост коишто ги организираат финансиските регулаторни институции, во соработка со приватниот финансиски сектор. Целта на овие активности е да се зајакне финансиската едукација, да се поттикне финансиската инклузија и да се зголемат свесноста и заштитата на потрошувачите на финансиски услуги.

ТТК Банка АД Скопје и оваа година се приклучува кон настанот „Денови на финансиската писменост“, а на корисниците им овозможува едуцирање преку електронски едукативни материјали во врска со управувањето со личните финансии, користењето платежни картички, практичен водич за идните сопственици на дом, превземени од интернет-страницата на НБРСМ,  предностите на современите дигитални услуги преку електронското и мобилното банкарство на ТТК Банка АД Скопје, како и за актуелната понуда на атрактивните финансиски производи и услуги на Банката.

За поедноставно едуцирање, со материјалите со корисни насоки и препораки корисниците можат да се запознаат  преку следните линкови:

„Паметно управување со парите - Водич за личните финансии“

„Купување дом со станбен кредит“

Eдукативни видеа „Со Народната банка во светот на финансиите“

TTK E-bank - eлектронско банкарство на ТТК Банка АД Скопје

TTK M-bank – мобилно банкарство на ТТК Банка АД Скопје

Онлајн штедење преку мобилно и електронско банкарство

„Кусур штедење“

ТТК Банка ве повикува да се приклучите на веб-страниците на НБРСМ, МАПАС, Министерството за финансии, Агенција за супервизија на осигурување или пак Комисијата за хартии од вредност и да научите нешто ново од областа на финансиите.

Упатуваме на едукативните предавања преку видеоконференциска врска, на темите кои се објавени во Јавниот повик од НБРСМ:

• Монетарна политика, на 23 ноември во 14.00 часот;
• Платежни услуги и осврт кон новиот Закон за платежни услуги и платни системи, на 24 ноември во 12.00 часот;
• Информации потребни при избор на кредит, на 24 ноември во 14.00 часот;
• Структура на финансискиот систем и осврт кон движењата во банкарскиот систем, на 25 ноември во 14.00 часот.